Donostiako Tenis Elkarte Errealak, Donostiako Udalak ezarritako helburuekin eta bere helburuekin bat eginez, euskararen erabilera bere jardun-eremu guztietan sustatzeko konpromesu batzuk proposatu ditu. Lehenik eta behin, euskararen presentzia eta erabilera sustatu nahi da herritarrekiko elkarrekintzetan, bazkide eta erabiltzaile guztien hizkuntza-eskubideak bermatuz. Horrek jokabide proaktiboa dakar jendearentzako arreta-eremuetan, euskara modu naturalean erabiltzera gonbidatuz.
Euskararen presentzia errotulaziora eta ikusentzunezko baliabideetara hedatzen da jendeari arreta emateko arloetan, bai eta marketineko, publizitateko eta ekitaldi publikoetako ekimen guztietara ere. Gainera, pixkanaka konpromisoa hartzen da web orriko eta sare sozialetako edukiak euskaraz eskuragarri egon daitezen.
Bigarren mailako helburuen artean lan-harremanetan euskararen erabilera areagotzea, hizkuntza komunikazioan eta lan-tresnetan erabiltzea, bulegoko materialetan euskararen erabilera bermatzea eta idatzizko eta ahozko komunikazioetan euskararen presentzia sustatzea daude. Halaber, euskararen erabilera indartu nahi da pertsonen prestakuntzan eta kudeaketan, bai eta giza baliabideen kudeaketan ere.
Elkartea neurri zehatzak hartzen ari da helburu horiek lortzeko. Donostiako Udaleko euskara sailarekin harremanetan jarri da, KEES (Kirol Entrenamenduetan Euskara Sustatzeko Metodologia) programarekin bat egin du, haurren ikastaro eta eskoletan euskara sustatzeko, Euskaraldia eta Gaitu bezalako ekimenetan parte hartu du, eta seinaletika guztia ele bitan izateko konpromisoa hartu du. Gainera, kontratazio berrietan euskara jakitea balotzen da.Plan honen garapena Elkarteak euskara esparru guztietan aktiboki sustatzeko duen konpromisoaren parte da, eta Elkarteko bazkide eta erabiltzaileen aldetik iristen diren iradokizun guztiak jasotzeko irekita dagoen lan-egutegi espezifiko baten parte da.
Eskerrik asko
